14
fevral
2021
13:30
1536


Universal kart

AdRiver


Творческий конкурс Адели

Pandemiya ilə mübarizə aparmaq üçün yeganə yol vaksinasiya olmaqdır: Anar Məmmədov

“Hazırda bütün dünya ölkələri pandemiya ilə mübarizənin ən təsirli yolu olan vaksinasiya mərhələsindədir. Sevindirici haldır ki, pandemiyanın başlamasından sonra keçən müddət ərzində mütəxəssislər görünməmiş nailiyyət əldə edərək, ən qısa zamanda xəstəliyə qarşı effektiv peyvəndlər hazırlaya bilib. Artıq iki aydan çoxdur ki, yeni növ koronavirusa qarşı əksər ölkələrdə sürətli peyvəndləmə işi aparılır.”

Bu fikirləri “Yeni Gündəm”ə açıqlamasında Milli Məclisin deputatı Anar Məmmədov deyib.
A.Məmmədov qeyd edib ki, ölkəmizdə koronavirusa yoluxma və ölüm hallarının azalması davam edir: “Həyatımız müəyyən qədər qaydasına düşür. Vəziyyət bu cür davam edərsə, yumşaldılmaların da davamedici olacağı şübhəsizdir. Ancaq təəssüflə qeyd etməliyik ki, ölkəmizdə COVID-19-a hələ də hər gün yoluxanlar və bu virus səbəbindən dünyasını dəyişənlər var. Digər tərəfdən koronavirusun yenidən aktivləşməyəcəyini söyləmək də mümkünsüzdür.”
Deputat bildirib ki, ümumilikdə isə koronavirus pandemiyası ölkəmizdə bir ildən çoxdur müşahidə edilir: “Bu təhlükəli virusa qarşı mübarizə tədbirlərinə ilk günlərdən başlanılıb. Pandemiyaya qarşı ciddi mübarizə tədbirləri davam etdirilir. Bu səbəbdəndir ki, Azərbaycan pandemiya ilə mübarizədə dünyada ən uğurlu ölkələr sırasındadır. Ölkəmizdə dövlət tərəfindən vaxtında həyata keçirilən tədbirlər nəticəsində infeksiyanın xeyli dərəcədə azaldılmasına nail olunub və yoluxma sayı azalıb. Azərbaycan Cənubi Qafqazda vaksinasiya işlərinə start verən ilk ölkədir. Artıq 4 milyon doz vaksin sifariş verilib və onların ölkəmizə gətirilməsi təmin edilib. Azərbaycan vətəndaşları artıq peyvənd olunurlar. Bütün məsələlərdə olduğu kimi, vaksinasiyada da ədalət prinsipinə riayət olunması əsas vəzifələrdən hesab edilir.”
A.Məmmədov onu da qeyd edib ki, bütün bunlar dövlət başçısı İlham Əliyevin yorulmaz əməyinin və xalqına sevgisinin təzahürüdür: “Artıq bir neçə həftədir ki, ölkəmizdə əhalinin ayrı-ayrı kateqoriyalara və yaş qruplarına aid hissələri vaksinasiya prosesinə cəlb edilib. Strategiyanın əsas məqsədi ölkədə geniş yayılmış koronavirus pandemiyasının qarşısının alınmasına, virusa yoluxma və ölüm səviyyəsinin aşağı salınmasına nail olmaqdır. Vaksinin əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini məhdudlaşdırmaq, ölüm halının qarşısını almaq və nəticədə səhiyyə sisteminə düşən yükü azaltmaqdan ibarətdir. İlk növbədə ictimaiyyətlə daha çox təmasda olan səhiyyə işçiləri, sosial xidmət sahələrində çalışan, yaş etibarilə risk qrupuna daxil olan vətəndaşlarımızın peyvəndlənmədə iştirakı intensiv xarakter daşımaqdadır. Bu, əlbəttə, koronavirusun daha geniş ərazi və əhali arasında yayılmasının qarşısının alınmasında mühüm amillərdən biridir. Bunun nəticəsi olaraq artıq ötən dövr ərzində Azərbaycan dövlətinin və xalqının koronavirus pandemiyasına qarşı birgə mübarizəsi müsbət nəticəsini göstərməkdədir. Təmsil etdiyim 96 saylı Goranboy-Naftalan seçki dairəsi üzrə də istər Goranboy, istərsə də Naftalan şəhərində vaksinasiyaya start verilib. Naftalan şəhərində yanvar ayının 21-dən vaksinasiya prosesinə başlanılıb. Tibb müəssisələrində xüsusi vaksin otaqları və peyvəndlərin daşınması üçün TƏBİB-in təlimatına uyğun zəruri şərait yaradılıb. Bu günə kimi Naftalan şəhər sakinləri arasında 148 nəfər, Goranboy rayonunda isə 415 nəfərdən çox COVİD-19 infeksiyasına qarşı peyvənd olunub. Vaksinasiyaya gələnlər öncə həkim müayinəsindən keçir, qeydiyyatı aparıldıqdan sonra isə vaksinasiya otaqlarına göndərilir. Vaksin olunmuş vətəndaşlar 30 dəqiqə ərzində nəzarət altında saxlanılır və səhhətində hər hansı bir problem olmadıqda evə buraxılır. Azərbaycanda virusa qarşı vaksinasiya prosesi davam edir. Vaksin olunmaq xəstəliyi ağır keçirmənin qarşısını alır. Lakin ehtiyat tədbirləri heç bir halda unudulmamalıdır. Yəni peyvənd vurdurub-vurdurmamasından asılı olmayaraq hər bir vətəndaş maska taxmalı, gigiyenik qaydalara ciddi əməl etməli və sosial məsafəni qorumalıdır.”

Xəbəri paylaşın




Digər xəbərlər:
Azərbaycanda koronavirusa yoluxma pik həddə çatdı — SMS icazə bərpa edilir?
Azərbaycanda koronavirusa yoluxma pik həddə çatdı — SMS icazə bərpa edilir?
17.11.20, Cəmiyyət
Prezident və xanımı yaralı hərbçilərlə görüşdü - Foto
Prezident və xanımı yaralı hərbçilərlə görüşdü - Foto
11.11.20, Siyasət
Telefonunuz vasitəsilə xəbəriniz olmadan necə izlənirsiniz? - ŞOKA DÜŞƏCƏYİNİZ FAKTLAR
Telefonunuz vasitəsilə xəbəriniz olmadan necə izlənirsiniz? - ŞOKA DÜŞƏCƏYİNİZ FAKTLAR
04.11.20, Cəmiyyət
Zahid Orucdan sensasion yazı
Zahid Orucdan sensasion yazı
15.09.20, Gündəm
Karantin rejimi dövründə təhsil müəssisələrində tədris və təlim-tərbiyə prosesinin təşkilinin müvəqqəti qaydaları
Karantin rejimi dövründə təhsil müəssisələrində tədris və təlim-tərbiyə prosesinin təşkilinin müvəqqəti qaydaları
12.09.20, Cəmiyyət
Bəzilərinin heç anasının kimliyi bilinmir - Artur Rasizadə
Bəzilərinin heç anasının kimliyi bilinmir - Artur Rasizadə
14.07.20, Siyasət
Xalqın Prezidentə etibarı sarsılmazdır — MƏKTUBLAR
Xalqın Prezidentə etibarı sarsılmazdır — MƏKTUBLAR
20.05.20, Cəmiyyət
Cənab Prezident, koronavirusa birlikdə qalib gələcəyik!
Cənab Prezident, koronavirusa birlikdə qalib gələcəyik!
16.04.20, Cəmiyyət
Koronavirusun Azərbaycana təsirləri niyə azdır? – TƏHLİL
Koronavirusun Azərbaycana təsirləri niyə azdır? – TƏHLİL
25.03.20, Cəmiyyət
İlham Əliyev AzTV-yə müsahibə verdi-VİDEO
İlham Əliyev AzTV-yə müsahibə verdi-VİDEO
24.03.20, Siyasət