Xorvatiyada güclü zəlzələ: Kilsə uçdu, bir nəfər öldü - Video

Xorvatiyanın paytaxtı Zaqrebin yaxınlığında zəlzələ baş verib.
Qanunla.az xəbər verir ki, bu məlumatı Avropa-Aralıq dənizi Seysmoloji Mərkəzi yayıb.
Məlumata görə, zəlzələnin gücü 5,3 bal olub. Yeraltı təkanların yerli vaxtla 05:24-də qeydə alındığı bildirilib. Zəlzələnin episentri Zaqrebdən 7 kilometr məsafədə yerləşib.
***
Zəlzələ nəticəsində bir nəfər həlak olub.
Bundan əlavə, kilsə, tarixi binaların fasadı uçub.
Binalardan qopan daş parçaları səkiyə, yol kənarında dayanan avtomobillərin üzərinə düşüb.
Təbiət hadisəsi şəhərə ciddi maddi ziyan vurub.