Türkiyə ilə Fransa yeni prosesə başladı – Çavuşoğlu

Türkiyə və Fransa münasibətlərin normallaşdırılması üzrə yol xəritəsi üzərində işləyirlər, danışıqlar gedir.
Qanunla.Az xəbər verir ki, bunu Türkiyənin xarici işlər naziri Mövlud Çavuşoğlu deyib.
"Türkiyə Fransaya qarşı deyil, Fransa isə "Sülh çeşməsi" əməliyyatından sonra Türkiyəyə qəti şəkildə etiraz edir", - Çavuşoğlu bildirib.
O deyib ki, Fransa XİN rəhbəri Jan-İv Lö Drianla çox konstruktiv telefon danışığı aparıb:
“Biz razılaşdıq ki, münasibətləri normallaşdırmaq üçün yol xəritəsini hazırlayaq. Biz fəaliyyət planı və ya yol xəritəsi üzərində işləyirik, hər şey yaxşı gedir... Fransa səmimi olarsa, Türkiyə Fransa ilə münasibətləri normallaşdırmağa hazırdır".