13
dekabr
2019
17:08
663


Universal kart

AdRiver


AST Telmanın qardaşı nəvəsi Bakıda HƏBS EDİLDİ - ŞOK SƏBƏB

Azərbaycan əsilli biznesmen Telman İsmayılovun qardaşı nəvəsi Bakıda həbs edilib. O, dələduzluqda və oğurluqda ittiham edilir.
Qanunla.az xəbər verir ki, Bakı Ağır Cinayətlər Məhkəməsində 1986-cı il təvəllüdlü Vüqar Babayevin cinayət işi üzrə məhkəmə iclası başlayıb.
Hakim Azad Məcidovun sədrliyi ilə keçirilən məhkəmə iclasında dövlət ittihamçısı ittiham aktını elan edib.
İttihama görə, Vüqar Babayev külli miqdarda dələduzluq edib. O, tanışının 230 min dollarını ələ keçirib. Bundan başqa, Vüqar Babayev kirayədə yaşadığı mənzilin əşyalarını oğurlamaqda da ittiham edilib.
Ona qarşı Cinayət Məcəlləsinin 178.3.2-ci (dələduzluq; külli miqdarda törədildikdə) və 177-ci (oğurluq) maddələri ilə ittiham irəli sürülüb.
Elan olunmuş ittihamla Vüqar Babayev özünü qismən təqsirli bilib. O deyib ki, oğurluq ittihamı ilə qətiyyən razı deyil.
Vüqar Babayev deyib ki, eyni binada yaşadığı tanışı ondan "Ferrari" almasını xahiş edib. Buna görə də ona 230 min dollar verib. Babayev deyib ki, maşının sənədləşdirilməsində problem olub və bu iş alınmayıb.
Sərbəst ifadə verən Babayev deyib ki, lüks maşın həvəskarı olub. Onun dediyinə görə, ən bahalı maşınları almağa, sürməyə böyük həvəsi var.
O, "Maseratti", "Ferrari", "Mersedes", BMV və bir çox məşhur avtomobil firmalarının lüks modellərinin sahibi olduğunu deyib. Maşınların qiyməti isə 200-500 min dollar arasında dəyişib.
Hakim ondan bahalı maşınları necə əldə etməsini, gəlir mənbəyini soruşub.
Babayev heç bir yerdə işləmədiyini, babasının Telman İsmayılovun qardaşı Çingiz olduğunu deyib. O bildirib ki, anası Telman İsmayılovun qardaşı Çingizin qızıdır.
Babayev deyib ki, istədiyi maşını alıb və bir neçə il sürüb. Yeni model çıxdıqda isə maşını sataraq yenisi ilə dəyişib. O, lüks avtomobillərini Bakıdakı avtomobil salonlarında satdığını deyib.
Məhkəmədə məlum olub ki, Babayev Bakıda yaşadıqları mənzili də satıb. Daha sonra isə kirayə mənzildə yaşayıb.
İttihamda göstərilir ki, Babayev kirayədə yaşadığı mənzildəki mikrodalğalı sobanı, qabyuyan maşını və televizoru da götürərək satıb.
Amma Babayev bununla razılaşmır. Deyir ki, həmin əşyalar xarab olduğu üçün atıb. Babayevin dedikləri məhkəməyə inandırıcı gəlməyib.
Hakim soruşub ki, xarab olan əşyaları niyə mənzilin yiyəsinə verməyib. Babayev deyib ki, bunu etmək ağlına gəlməyib və xarab olduğu üçün zibilxanaya atıb. O deyib ki, həmin əşyaların yerinə yenisini alacaqmış.
Məhkəmədə Babayevin yaxınlarından heç kim iştirak etməyib. Hakim bunun səbəbini soruşub. Babayev söyləyib ki, anası və ailəsi Moskvada yaşayır.
Babayevin xanımı istintaqda ifadə verən zaman deyib ki, evindən əşyalar aparılıb. Onun sözlərinə görə, əşyaları Vüqar Babayev aparıb.
Vüqar Babayev bunu ilk dəfədir eşitdiyini deyib. O bildirib ki, həyat yoldaşının bu cür ifadə verməsindən xəbərsizdir.
Məhkəmə iclasında zərərçəkmişlər iştirak etməyib. Hakim bildirib ki, növbəti prosesdə onlar ifadə verəcək.

Xəbəri paylaşın




Digər xəbərlər:
İlham əliyev SƏRƏNCAM İMZALADI
İlham əliyev SƏRƏNCAM İMZALADI
13.12.19, Siyasət
DSX-də hesabat müşavirəsi keçirildi - Foto
DSX-də hesabat müşavirəsi keçirildi - Foto
13.12.19, Cəmiyyət
YAP-dan Siyavuş Novruzov AÇIQLAMASI: “Seçkidə əsas namizədlərdən olacaq”
YAP-dan Siyavuş Novruzov AÇIQLAMASI: “Seçkidə əsas namizədlərdən olacaq”
12.12.19, Gündəm
Tahir Kərimli də namizəd oldu
Tahir Kərimli də namizəd oldu
12.12.19, Siyasət
Bakıda 90 yaşlı qadına qarşı quldurluq edən şəxs tutuldu
Bakıda 90 yaşlı qadına qarşı quldurluq edən şəxs tutuldu
12.12.19, Hadisə
Zərdab rayonunda Ümummilli Lider Heydər Əliyevin anım günü qeyd olunub-FOTOLAR
Zərdab rayonunda Ümummilli Lider Heydər Əliyevin anım günü qeyd olunub-FOTOLAR
12.12.19, Cəmiyyət
Bakıda ilk dəfə Senya Sonun solo konserti keçirildi
Bakıda ilk dəfə Senya Sonun solo konserti keçirildi
10.12.19, Cəmiyyət
Vəfa Zeynalovanın qardaşı vəfat etdi
Vəfa Zeynalovanın qardaşı vəfat etdi
10.12.19, Şou
Borca görə tanışını güllələyən saxlanıldı
Borca görə tanışını güllələyən saxlanıldı
05.12.19, Hadisə
“Protiv” yola çıxdı, özü və sərnişini öldü
“Protiv” yola çıxdı, özü və sərnişini öldü
05.12.19, Hadisə