Sumqayıtda jurnalistin avtomobili qarət edildi

Sumqayıtda avtomobildən oğurluq hadisəsi baş verib.
Qanunla.Az xəbər verir ki, hadisə ötən gecə 36-ci məhəllədə qeydə alınıb.
Belə ki, jurnalist İlham Məmmədzadənin avtomobili qarət edilib.
Bu barədə jurnalist sosial şəbəkədə məlumat paylaşıb.
Bildirib ki, naməlum şəxs və ya şəxslər onun avtomobilinin sol-qabaq hissəsinin şüşəsini sındıraraq qarət edib.
İ.Məmmədzadə hadisə barədə Daxili İşlər Nazirliyinə (DİN) müraciət edib.
DİN-dən bildirilib ki, hadisə artıq araşdırılır.