27
iyul
2020
14:55
1 825


Universal kart

AdRiver


Qarabağ icması Ermənistanın BMT-dəki məktubu barədə bəyanat yaydı

“Ermənistan dünya birliyinin diqqətini Azərbaycan ərazilərinin işğalından, törətdiyi etnik təmizləmə, insanlıq əleyhinə cinayətlərdən yayındırmağa və yaratdığı qondarma rejimin təbliğinə yönəlmiş cəhdlərini davam etdirməkdədir”.
Qanunla.Az-ın xəbərinə görə, Dağlıq Qarabağın Azərbaycanlı İcmasının bəyanatında belə deyilir.
Qeyd olunub ki, bu günlərdə Ermənistan BMT-də məktub yayaraq, qondarma rejimə aid kağız parçasını ona əlavə edib.
“İtkin düşmüş şəxslərdən bəhs edən bu kağız parçasında öz əksini tapmış məsələlərin heç bir əsası yoxdur və sadəcə, münaqişənin müxtəlif aspektlərinin təhrif edilməsinə yönəlib.
Ermənistanın Azərbaycana təcavüzü nəticəsində 71-i uşaq, 267-si qadın və 326-sı qoca olmaqla, ümumilikdə 3889 nəfər azərbaycanlı itkin düşüb. Ermənistan heç bir vəchlə itkin düşmüş azərbaycanlıların taleyinin müəyyənləşdirilməsində maraqlı deyil.
Bunun səbəbləri də aydındır. Təkzibolunmaz məlumatlar göstərir ki, həmin insanların əksəriyyəti qətlə yetirilib və ya işgəncə və xəstəliklərdən vəfat ediblər. Buna görə də, Ermənistan sülh və insanlıq əleyhinə cinayətləri, müharibə cinayətlərini gizlətməyə çalışır və humanitar təşkilatlar çərçivəsində əməkdaşlıqdan boyun qaçırır”, - deyə bəyanatda bildirilib.
İcma hesab edir ki, itkin düşmüş şəxslər məsələsinin siyasiləşdirilməsinə yol verilməməli, ona sırf humanitar prizmadan yanaşılmalı və yüzlərlə ailənin iztirablarına, qeyri-müəyyənliyə son qoyulmalıdır.
Girov götürülmüş insanların taleyi də böyük narahatlıq doğurur. Öz doğmalarının məzarlarını ziyarət edən azərbaycanlı mülki şəxslər Dilqəm Əsgərov və Şahbaz Quliyevi hələ də girovluqda saxlayan Ermənistanın əsir və girovların “Hamının hamıya dəyişdirilməsi” prinsipinə qarşı çıxması bu ölkənin qeyri-insani mahiyyətinin, insan taleyinə münasibətdə məsuliyyətsiz davranışının daha bir bariz nümunəsidir.
Münaqişədən uzun illər əziyyət çəkən ölkə kimi Azərbaycan beynəlxalq humanitar hüququn müddəalarına əməl edilməsinə xüsusi diqqət yetirir və bu sahədə beynəlxalq səyləri dəstəkləyir.
Azərbaycan BMT-də iki ildən bir “İtkin düşmüş şəxslər” və “Silahlı münaqişələr zamanı girov götürülmüş qadın və uşaqların azad edilməsi” adlı qətnamələr irəli sürür.
Qətnamələrin əsas məğzi bu kateqoriyadan olan şəxslərin taleyinin müəyyənləşdirilməsinə mümkün olduğu qədər töhfə verməkdən ibarətdir.
İcma bildirir ki, münaqişənin mahiyyətini müxtəlif cəhdlərlə təhrif etməyə çalışan Ermənistan törətdiyi cinayətləri gizlədə bilməyəcək və mütləq qaydada onlara görə cavab verməli olacaq.

Xəbəri paylaşın




Digər xəbərlər:
Din xadimlərindən beynəlxalq təşkilatlara ÇAĞIRIŞ
Din xadimlərindən beynəlxalq təşkilatlara ÇAĞIRIŞ
24.07.20, Cəmiyyət
Ermənistan yalnız Azərbaycan üçün deyil, bütün dünya üçün ciddi təhlükə mənbəyinə çevrilməkdədir
Ermənistan yalnız Azərbaycan üçün deyil, bütün dünya üçün ciddi təhlükə mənbəyinə çevrilməkdədir
23.07.20, Siyasət
"Soydaşlarımızın girovluqda saxlanılması Ermənistanın insanlıq əleyhinə cinayət əməllərinin sübutudur"- Naqif Həmzəyev
"Soydaşlarımızın girovluqda saxlanılması Ermənistanın insanlıq əleyhinə cinayət əməllərinin sübutudur"- Naqif Həmzəyev
11.07.20, Cəmiyyət
Ağdərənin işğalından 27 il ötür
Ağdərənin işğalından 27 il ötür
07.07.20, Cəmiyyət
Rəsmi Bakıdan Ermənistana cavab
Rəsmi Bakıdan Ermənistana cavab
10.06.20, Siyasət
Ombudsman uşaqlarla bağlı bəyanat yayıb
Ombudsman uşaqlarla bağlı bəyanat yayıb
01.06.20, Siyasət
Qarabağın azərbaycanlı icmasının rəhbərindən qondarma rejimin “başçısın”a CAVAB
Qarabağın azərbaycanlı icmasının rəhbərindən qondarma rejimin “başçısın”a CAVAB
30.05.20, Cəmiyyət
Əmr gözləyirik, düşmən hər an məhv edilə bilər – General
Əmr gözləyirik, düşmən hər an məhv edilə bilər – General
23.04.20, Siyasət
Abşeronun Tender Qalibləri, Alınan “Tərəqqi” Medalları Və Təmirsiz Yolları
Abşeronun Tender Qalibləri, Alınan “Tərəqqi” Medalları Və Təmirsiz Yolları
05.04.20, Cəmiyyət
Qarabağ icmasının bəyanatı BMT-nin sənədi kimi yayıldı
Qarabağ icmasının bəyanatı BMT-nin sənədi kimi yayıldı
08.02.20, Siyasət