Zərdab Rayon İcra Hakimiyyətinin başçısı Mərdan Camalzadə,hüquq-mühafizə orqanlarının rəhbərləri,SHXÇDX-nin Zərdab şöbəsinin rəisi,İH-nin kollektivi və rayon Gənclər və idman idarəsinin əməkdaşları 27 sentyabr – Anım Günü ərəfəsində şəhid ailələrini ziyarət etmişdir.
Qanunla.Az xəbər verir ki,İcra başçısı əvvəlcə qəhrəman şəhidlərimizin məzarlarını ziyarət edib, vətənimizin azadlığı uğrunda canından keçən cəsur övladların məzarları üstünə tər çiçəklər qoyub.
Daha sonra şəhidlərimizin evlərinə gedən Mərdan Camalzadə Müzəffər Ali Baş Komandan cənab İlham Əliyevin qətiyyətli rəhbərliyi ilə torpaqlarımızın işğaldan azad olunması uğrunda Vətən Müharibəsində şəhid olanlara Allahdan rəhmət, qazilərimizə şəfa diləyib, belə qəhrəman övladlar yetişdirdikləri üçün ailələrinə minnətdarlığını bildirərək qazanılmış Zəfərdə misilsiz rolu olan şəhidlərin heç vaxt unudulmayacağını, dövlətin, xalqın və sakini olduqları rayon icra hakimiyyətinin hər bir əməkdaşının daim onların yanında olduğunu bildirmişdir.
Azərbaycan Respublikasının Prezidenti cənab İlham Əliyev və Azərbaycan Respublikasının Birinci vitse-prezidenti Mehriban xanım Əliyeva tərəfindən şəhid ailələrinə, qazilərə, o cümlədən Vətən Müharibəsi iştirakçılarına göstərilən diqqət və qayğının ən yüksək səviyyədə olduğu, onların sosial məsələlərinə daim diqqət və həssaslıqla yanaşıldığı, bu qayğının hər zaman davam edəcəyi qeyd edilmişdir.Mərdan Camalzadə şəhid ailələrini narahat edən məsələlərlə də yerində maraqlanıb.
Şəhid ailələri Müzəffər Ali Baş Komandan cənab İlham Əliyev və Azərbaycan Respublikasının Birinci vitse-prezidenti Mehriban xanım Əliyeva tərəfindən onlara göstərilən qayğı və diqqətə görə növbəti dəfə onlara öz minnətdarlıqlarını bildiriblər.
Vüqar Rəhimov
