Təxribata boyun əymək Azərbaycanın tərzinə uyğun deyil, rəsmi Bakı Rusiya və Ermənistanın sülh sazişini imzalayan tərəf kimi öz öhdəliklərini yerinə yetirməyə çağırmalıdır.
Qanunla.Az xəbər verir ki, bu sözləri Axar.az-a fransız mütəxəssis Naim Asas Ermənistanın son zamanlar törətdiyi təxribatlar haqda danışarkən deyib.
Onun sözlərinə görə, Azərbaycan və Rusiya prezidentləri və Ermənistanın Baş naziri tərəfindən imzalanan 10 noyabr bəyanatı Qarabağ münaqişəsində hərbi əməliyyatlara birmənalı olaraq son qoymalı olan atəşkəsdir:
“Həmçinin sözügedən bəyannaməyə əsasən əraziyə yerləşdirilən 2000-ə yaxın rus sülhməramlısı buradakı təhlükəsizliyin təminatçısıdır. Rusiya və Türkiyə bu razılaşmaya əməl olunmasını və pozucu elementlərin yanğını alovlandırmamasını təmin etməlidir. Azərbaycan müharibədə qalib gəldi, indi sülhü qorumalı və öz maraqlarını qanuni vasitələrlə müdafiə etməlidir. Ən məntiqli yol adekvat hərbi əməliyyatlara başlamazdan öncə beynəlxalq qurumlara müraciət etməkdir”, – deyə fransız mütəxəssis bildirib.
