Bakıda 18 yaşlı hamilə qadın intihara cəhd edib, körpəsi tələf olub.
“Qanunla.az” “Qafqazinfo”ya istinadən xəbər verir ki, hadisə Binəqədidə, Xocasən qəsəbəsində baş verib.
Belə ki, 2004-cü il təvəllüdlü Fidan Quliyeva (şərti ad-soyad) yaşadığı evdə dərman içərək özünü öldürmək istəyib. Ailə üzvləri dərhal onu xəstəxanaya çatdırıblar və qadının həyatını xilas etmək mümkün olub.
Məlumata görə, intihara cəhd edən F.Quliyeva 7 aylıq hamilə imiş. Xəstəxanada məlum olub ki, içdiyi dərmanların təsirindən uşaq ana bətnində tələf olub.
Hazırda faktla bağlı araşdırma aparılır.
