Hər gün axşam saatlarında Qaraçuxur məscidinin qarşısında qadın uşağını diləndirir. Əldə etdiyi məbləği natkotik almağa sərf edir. Həm özü, həm əri bu vəziyyətdədir. 2 yaşlı körpəsi isə təhlükədədir.
Qanunla.Az xəbər verir ki, bu məlumatı və görüntünü Azərbaycan Uşaqlar Birliyinin sədri Kəmalə Ağazadə paylaşıb.
“Suraxanı rayon İcra Hakimiyyətindən rica edirəm, uşaq ailədən dərhal uzaqlaşdırılmalıdır. Bir neçə ay öncə bu ailənin qaldığı evin yanında qarajda yanğın baş verib. Mənim narahatlığım 2 yaşlı körpədir. Kim zəmanət verə bilər ki, yanğın yenidən çıxmayacaq? Artıq qaraj yoxdur, demək ki, ora gələnlər yanğını evdə də çıxarda bilərlər. Onda uşağın aqibətini siz deyin. Həmin evin ünvanı məndədir. Aidiyyəti qurumlar istəyirsə, verə bilərəm”.
