Şəkillərdə atılan daşların və zədələnmiş yerləin görüntüsü verilib.
Ancaq içkili vəziyyətdə olan Seymur onu aparmağa gələn qonşularına belə məhəl qoymadan həyətə və evə kücədən daşlar yağdırmış,
F. Əfqanoğlunu bu məhəllədən köçüb getmədiyi təqdirdə öldürəcəyilə hədələmişdir. Həyətə itin qorxusundan girə bilməyən Seymur Baş redaktorun özünə və həyat yoldaşına ağır küçə söyüşləri verməklə onu küçəyə qışqıraraq çağırmışdır. Ailəsinin və özünün həyatının təhlükədə olduğunu görən Füzuli Əfqanoğlu Daxili İşlər Nazirliyinin “102” qaynar xəttinə zəng vurmuş, bir saat sonra Qaradağ rayon 10-cu polis bölməsinin əməliyyatçıları gəlmişlər. Artıq onların gələcəyindən xəbərdar olan Seymur qonşuları və qohumları tərəfindən dartılaraq aparılmışdır. Hadisə yerinə gələn polis əməkdaşları Füzuli Əfqanoğlunu bölməyə dəvət etsələr də, Seymurun evinə getmiş və Seymurun xahişi ilə iki gündən sonra bölməyə gəlməsinə razılaşmışlar. Bu haqda F. Əfqanoğlu DİN-in 102 xidmətinə yenidən məlumat versə də, heç bir tədbir görülməyib. F. Əfqanoğlu bildirir ki, bölmə əməkdaşları nəyinsə hesabına, həmin ərazidə zəbt edərək torpaqlar sataraq imkanlanan Seymurun təkliflərini qəbul etmiş və onu polis bölməsinə aparmamışlar.
“Mən həyat yoldaşımın qışqırağına həyətə döndüm. O isə məni və ailəmi küçə söyüşləriylə təhqir edərək küçəyə cıxmağa, məni və ailəmi öldürüb həyətdə basdıracağıyla hədələyirdi. Mənə və ailəmə itimizin qorxusundan həyətə girə bilmədiyindən söyərək daşlar atırdı, əlim, ayağım zədələnmişdi. 102-xidmətinə axşam saat 7 radələrində zəng vurduq, 10-cu bölmədən əməkdaşlar gələndə artıq Seymurun qonşuları yoldaşımın polisə zəngini bilib onu dartaraq aparmışdılar. İçki və ya narkotik preparatların təsiri altında olan Seymurun polis tərəfindən bölməyə gətirilməməsi çox şübhəlidir…” deyən Füzuli Əfqanoğlu Daxili İşlər naziri cənab Vilayət Eyvazova və Baş Prokuror cənab Kamran Əliyevə müraciət etdiyini bildirib.
Hadisənin nəticəsi barədə oxuculara məlumatla veriləcək.
Rəşad Əkbəroğlu,
