ABŞ prezidenti Co Baydenin administrasiyası Ukraynaya son yardım paketini yanvarın 9-da elan etməyə hazırlaşır.
Qanunla.az xəbər verir ki, bu barədə iki yüksək rütbəli hərbi mənbəyə istinadən Associated Press məlumat yayıb.
Bayden administrasiyası müdafiə naziri Lloyd Ostinin cümə axşamı Almaniyaya səfəri zamanı Ukraynaya böyük, yekun hərbi yardım paketini elan etməyi planlaşdırır.
Bu paketin dəqiq məbləği hələ açıqlanmasa da, Konqres tərəfindən təsdiqlənmiş qalan 4 milyard dollar vəsaitin hamısını əhatə etməyəcəyi məlumdur.
