Azərbaycanın fiqurlu konkisürəni Yekaterina Ryabova bu gün Pekin-2022 Qış Olimpiya Oyunlarında mübarizəyə başlayacaq.
“Qanuna.az” xəbər verir ki, 19 yaşlı qısa proqramda məharətini göstərməyə çalışacaq.
Ryabova Bakı vaxtı ilə saat 14:00-da start götürəcək yarışda buz üzərinə 24-cü çıxacaq.
Konkisürən ən yaxşı 24 iştirakçı arasına düşə bilsə, fevralın 17-də keçiriləcək final mərhələsinə vəsiqə qazanacaq. Siyahıda ümumilikdə 30 idmançı yer alıb.
Qeyd edək ki, Azərbaycanın kişi fiqurlu konkisürəni Vladimir Litvintsev Pekin-2022-də 18-ci yeri tutub. Pekin-2022 Qış Olimpiya Oyunlarına fevralın 20-də yekun vurulacaq.
