Azərbaycan Respublikası Milli Məclisinin deputatı Jalə Əliyeva 07 fevral 2025-ci il tarixlərində Zərdab rayon Heydər Əliyev mərkəzində vətəndaşlarla növbəti səyyar görüş keçirib.
Qanunla.Az xəbər verir ki, görüş zamanı seçicilər tərəfindən müxtəlif məsələlər qaldırılıb. Onlar elektrik təsərrüfatında mövcud çatışmazlıqlar, sosial problemlərin həlli, tibbi xidmətlər eləcə də pensiya və əlillik təyinatı ilə bağlı narahatlıqları diqqətə çatdırıblar.
Millət vəkili Jalə Əliyeva seçicilərin hər birini diqqətlə dinləyib və qaldırılan problemlərin qanun çərçivəsində həlli üçün müvafiq qurumlara ünvanlanması üçün göstərişlər verib.
Görüşdə iştirak edən bir neçə seçici artıq həllini tapmış məsələlər və göstərilmiş yardımlarla bağlı deputata minnətdarlıqlarını ifadə ediblər.
Qanunla.Az Vüqar Rəhimov
