İraq millisinin baş məşqçisi niderlandlı Dik Advokat tutduğu vəzifədən istefa verib.
Bu barədə “Soccer Iraq” “Twitter” səhifəsindən məlumat yayılıb.
74 yaşlı mütəxəssis Qətərdə keçiriləcək dünya çempionatının seçmə turnirində komanda ilə birgə çalışıb. Onun rəhbərlik etdiyi kollektiv 6 oyundan 4 xal toplayıb. Seçmə mərhələsinin başa çatmasına isə 4 oyun qalıb.
Qeyd edək ki, İran, Cənubi Koreya, BƏƏ, Livan və Suriya da İraqla qrupdadır. İraq millisi altı komanda arasında beşinci yerdədir.
Qeyd edək ki, Dik Advokat məşqçilik karyerasını 7 dəfə başa vurub. Sonuncu dəfə o, bunu 2021-ci ilin mayında “Feyenoord”-u çalışdırarkən elan edib.
