Gənclərin İnkişaf və Karyera Mərkəzinin 52-ci nümayəndəliyi Zərdabda fəaliyyətə başladı!
Açılış mərasimində Rayon İcra Hakimiyyətinin nümayəndəsi, Azərbaycan Gənclər Fondunun icraçı direktorunun müavini, Gənclərin İnkişaf və Karyera Mərkəzinin nümayəndələri və rayon gəncləri iştirak edib.
Açılış tədbirində gənclərlə söhbət və mərkəzlə tanışlıqdan sonra çıxış edən rəsmi nümayəndələr Prezident İlham Əliyevin rəhbərliyi ilə həyata keçirilən uğurlu dövlət gənclər siyasəti, ölkəmizdə gənclər üçün yaradılan imkanlar barədə danışıb və gəncləri bu imkanlardan yararlanmağa dəvət ediblər.
Tədbir daha öncə açılışı olmuş nümayəndəliklərin fəaliyyətindən əyləncəli videoların nümayişi, maraqlı viktorinalar və təlim xarakterli oyunlarla davam etdirilib.
Zərdab gəncləri həmçinin, “Gənc Könüllü”, təcrübəçi və üzvlük proqramlarına qoşulmağa dəvət ediliblər.
Fəaliyyətinizdə uğurlar, əziz Zərdab Gəncləri!
