13 Aprel 2021-ci il tarixdə Ağdaş Regional Mədəniyyət İdarəsinin tabeliyində fəaliyyət göstərən Zərdab rayon Heydər Əliyev Mərkəzinin təşkilatçılığı ilə Ümummilli lider Heydər Əliyevin anadan olmasının 98-cı ildönümünə həsr olunmuş “Heydər Əliyev nəzəri irsində müəllim peşəsi” mövzusunda videokonfrans keçirilib.
Videokonfransda Pedoqoji Elmlər Doktoru, Professor, Əməkdar müəllim Rüfət Lətif oğlu Hüseynzadə, Zərdab Təhsil şöbəsinin müdiri Gülağa İsgəndərov, Zərdab rayon təhsil işçiləri, Ağdaş Regional Mədəniyyət idarəsinin tabeliyində fəaliyyət göstərən Mədəniyyət müəssisələrinin əməkdaşları və regionlarda fəaliyyət göstərən Heydər Əliyev Mərkəzlərinin (Abşeron, Astara, Ağdaş, Neftçala, Ucar, Xaçmaz, Siyəzən, Samux, Tərtər, Daşkəsən, Kürdəmir, Zaqatala, Yevlax, Yardımlı, Xızı, Hacıqabul, Salyan, Naftalan, Şabran, Şirvan, Tovuz,Lənkəran, Qəbələ) direktorları iştirak edib.
Zərdab rayon Heydər Əliyev Mərkəzinin direktoru Könül Rəhimova Ulu Öndər Heydər Əliyevin fenomen yaddaşa, hərtərəfli bilik və dünyagörüşə, unikal istedada, dövlət quruculuğunda yüksək peşəkarlığa, insanlarla ünsiyyətdə səmimiyyətə və xoş rəftara malik olduğunu diqqətə çatdırıb.
Pedoqoji Elmlər Doktoru, Professor, Əməkdar müəllim Rüfət Lətif oğlu Hüseynzadə “Heydər Əliyev nəzəri irsində müəllim peşəsi” mövzusunda məruzə edərək, Ulu öndərin müəllim və müəllimlik peşəsinə verdiyi dəyərdən söz açıb, onun müəllimə olan münasibətinin canlı şahidi olduğunu söyləyib və 70-ci illərdə ADU-da işləmiş əməkdаr müəllim Lətif Hüseynzadənin əməyinə verdiyi yüksək qiymətdən danışıb.
Zərdab rayon Təhsil şöbəsinin müdiri Gülağa İsgəndərov Ulu Öndərin müəllim və müəllimlik peşəsi haqqında dəyərli fikirlərini tədbir iştirakçılarının diqqətinə çatdırdı.
Neftçala rayon Heydər Əliyev Mərkəzinin direktoru Könül Məmmədova çıxışında “Ulu Öndər müəllimi milli sərvət hesab edirdi” deyərək, Ümummilli lider Heydər Əliyevin ölkəmizə rəhbərlik etdiyi bütün dövrlərdə həmişə müəllimə hörmət və ehtiramla yanaşdığını, onların maddi rifah halının qayğısına qaldığını dedi.
Kürdəmir Heydər Əliyev Mərkəzinin direktoru Düriyyə xanım, Daşkəsən Heydər Əliyev Mərkəzinin direktoru Nailə xanım, Yevlax Heydər Əliyev Mərkəzinin direktoru Aygün xanım, Zərdab rayon 1 saylı məktəb-liseyin direktor müavini Səliqə müəllimə, Astara Heydər Əliyev Mərkəzinin direktoru Kubra xanım və digər çıxış edənlər İstər Azərbaycana birinci, istərsə də ikinci rəhbərliyi dövründə ümummilli lider Heydər Əliyev daim təhsilə, tərbiyəyə strateji sahə kimi baxdığını, Vətənin, xalqın tərəqqisində оnların rоluna yüksək qiymət verdiyini qeyd etdilər.
Videokonfransda Azərbaycan Respublikasının Prezidenti cənab İlham Əliyevin müəllim əməyini yüksək qiymətləndirdiyi, müasir tələblərə cavab verən pedaqoji kadr hazırlığına xüsusi diqqət və qayğı göstərdiyi, həmçinin Azərbaycan Respublikasının Birinci vitse-prezidenti Mehriban xanım Əliyevanın çoxşaxəli vətənpərvər fəaliyyətinin əsas istiqamətlərindən birini təhsilə diqqət və qayğı təşkil etdiyi xüsusi olaraq vurğulandı.