Böyük Britaniya kraliçası II Yelizavetanın oğlu York hersoqu Endryu Əlahəzrət titulundan istifadə etmək hüququndan məhrum edilə bilər.
Yerli mətbuatın məlumatın görə, əgər şahzadə Endryu ABŞ məhkəməsində 17 yaşlı qızın zorlanması üzrə məhkəmə işini uduzsa, kraliça belə bir qərar qəbul edə bilər.
Qeyd edək ki, Virciniya Jufren (nikahdan əvvəl Roberts) adlı xanım hələ 2001-ci ildə, 17 yaşı olarkən Şahzadə Endryu tərəfindən cinsi zorakılığa məruz qaldığını bildirib. York hersoqu isə deyilənləri təkzib edib.
Qadının iddiası ilə bağlı növbəti məhkəmə iclası yanvarın 4-də Nyu-Yorkun Cənub Dairə Məhkəməsində keçiriləcək.
