Rusiya və Azərbaycan liderləri Vladimir Putin, İlham Əliyev və Ermənistan Baş naziri Nikol Paşinyanın üçtərəfli görüşü olmayacaq.
Qanunla.Az xəbər verir ki, bu barədə Ermənistan hökumətinin mətbuat xidmətindən məlumat yayılıb.
“Hazırda belə bir məlumat yoxdur. Baş nazirin görüşləri barədə vaxtında məlumat verilir”, – mətbuat xidmətindən bildirilib.
Qeyd edək ki, daha öncə Teleqram kanalları noyabrın 26-da Soçidə Ermənistan, Rusiya və Azərbaycan dövlət başçılarının görüşünün keçiriləcəyi barədə məlumat yaymışdı. Ancaq məlum olan budur ki, dekabrın 15-də Azərbaycan Prezidenti İlham Əliyevlə Ermənistan Baş naziri Nikol Paşinyanın Brüsseldə görüşü nəzərdə tutulub.
