Bu günə olan məlumata görə, Azərbaycanın işğaldan azad olunan rayonlarında (Cəbrayıl, Qubadlı, Ağdam, Zəngilan, Fizuli, Tərtər, Xocavənd və Laçın) çoxillik əkmələr üçün 2 041,8 hektar ərazi ayrılıb.
Bunu Kənd Təsərrüfatı Nazirliyinin Beynəlxalq əməkdaşlıq şöbəsinin Protokol sektorunun müdiri Toğrul Qafarbəyli deyib.
Onun sözlərinə görə, qeyd olunan rayonlarda ayrılan ərazilərin 127 477 hektarı əkinlərə yararlı sahələr kimi müəyyən olunub: “Ərazilərin əksəriyyəti minalardan təmizlənməlidir, ondan sonra əkin proseslərinə başlanacaq”.
Çoxillik əkmələr və əkin üzrə müəyyən olunan sahələr:
| Rayon | Çoxillik əkmələr (ha) | Əkin sahələri (ha) |
| Cəbrayıl | 425,72 | 22 559 |
| Qubadlı | 186,74 | 14 148 |
| Ağdam | 779,32 | 32 061 |
| Zəngilan | 80,72 | 9 140 |
| Fizuli | 56,173 | 23 669 |
| Tərtər | – | 11 400 |
| Xocavənd | 513,13 | 9 300 |
| Laçın | – | 5 200 |
