İstanbulda ənənəvi qaçış marafonu baş tutub.
Sayca 43-cü dəfə keçirilən tədbirə dünyanın müxtəlif ölkələrindən 40 min nəfər qatılıb.
Şəhərin Asiya tərəfində start götürən və Avropa qismində başa çatan 42 km-lik yürüş dünyada yeganə qitələrarası qaçış yarışıdır.
Builki marafonda kişilər arasında uqandalı atlet Victor Kiplangat, qadınların yarışında isə keniyalı atlet Şeyla Jerotiç qələbə qazanıb.
Qaliblərdən hər birinə 35 min dollarlıq pul mükafatı təqdim edilib. İkinci yerin sahibləri 20, üçüncülər isə 10 min dollar qazanıblar.
