Deputatlığa namizəd Jalə Əliyeva Zərdab rayon Kəndəbil kənd sakini şəhid Fərid Rüstəmovün ailə üzvlərinı ziyarət edib.
Qanunla.Az xəbər verir ki, ilk olaraq şəhidin xatirəsinə ucaldılmış su bulağı ziyarət edilib, şəhidlərimizin xatirəsi anılıb. Jalə Əliyeva, vəkilləri Gülağa İsgəndərov, Zemfira Eyvazova, Könül Rəhimova bulağın üzərinə gül dəstələri qoyaraq xatirəsini ehtiramla yad ediblər.
Daha sonra şəhidin evi ziyarət olunub.
Jalə Əliyeva Azərbaycan Ordusunun zəfərindən və bütün dünyanı heyrətləndirən Azərbaycan əsgərlərinin qəhrəmanlıqlarından danışıb. Şəhid ailələrinin qayğılarını dinləyən xanım Əliyeva bildirib ki, Vətən, torpaq uğrunda şəhidlərimizlə yanaşı onların valideynləri də hər birimiz üçün əzizdirlər. Bu qəhrəman oğulların vətənpərvər ruhda tərbiyə olunmasında onların valideynlərinin rolu çox böyük olub.
Ali Baş Komandan Prezident cənab İlham Əliyevin şəhid ailələrinə və qazilərimizə göstərdiyi diqqət və qayğısından danışan Jalə Əliyeva bildirib ki, bundan sonra da dövlətimiz şəhidlərin adını uca tutacaq və onların ailə üzvləri hər zaman dövlətimizin qayğısı ilə əhatə olunacaqlar.
Şəhidin ailəsi Jalə Əliyevaya seçkidə qələbə qazanacağına əminliklərini bildirərək uğurlar arzulayıblar.
Onlara göstərdiyi diqqət və qayğıya görə Prezident İlham Əliyevə və xanımı Mehriban Əliyevaya təşəkkür ediblər.
Qanunla.Az Vüqar Rəhimov
