Baş prokuror Kamran Əliyev Kollegiya iclasında işğaldan azad edilmiş ərazilərdə yaradılan hərbi prokurorluqların fəaliyyətinin təşkilinin təmin edilməsi məqsədilə zəruri tədbirlərin qısa müddətdə görülməsi ilə bağlı tapşırıqlar verib.
Bu barədə Qanunla.Az-a Baş Prokurorluğun Mətbuat xidmətindən bildirilib.
Qeyd edək ki, iyunun 8-də Baş prokuror Kamran Əliyevin rəhbərliyi ilə prokurorluğun fəaliyyət istiqamətləri üzrə görülən işlər, müasir informasiya-kommunikasiya texnologiyalarının tətbiqini təmin edən “Elektron prokurorluq” informasiya sisteminin yaradılması barədə Azərbaycan Respublikası Prezidentinin 7 may 2021-ci il tarixli Fərmanından irəli gələn vəzifələrin icrası və işin təşkilinə dair məsələlərə həsr olunan Kollegiya iclası keçirilib.
