Kanada hökuməti milyarder və Areti enerji şirkətinin rəhbəri İqor Makarovu yenidən sanksiyaya məruz qalan şəxslər siyahısına daxil edib .
“Qanunla.az” xəbər verir ki, bu barədə Kanada hökumətinin saytında dərc olunan sənəddə deyilir .
“Xüsusi İqtisadi Tədbirlər ( Rusiya ) Qaydasının 1-ci siyahısının 1-ci hissəsi aşağıdakı ədədi ardıcıllıqla əlavə edilməklə dəyişdirilib: 1315. İqor Viktoroviç Makarov (5 aprel 1962-ci il təvəllüdlü),” sənəddə deyilir.
Eyni zamanda, adı, atasının adı və doğum tarixi tam uyğun gələn bu iş adamı artıq sanksiyaya məruz qalanlar siyahısındadır və 734 nömrəsi ilə qeyd olunur. İş adamının yenidən əlavə edilməsinin səbəbi göstərilmir.
İyunun 29-da İqor Makarovun 2023-cü ildə Rusiya vətəndaşlığından imtina etdiyi bildirilib .
Keçən il o, Böyük Britaniya , Kanada, Avstraliya və Yeni Zelandiyadan sanksiyalara məruz qalıb .
Forbes jurnalının məlumatına görə , Makarovun sərvəti 2,2 milyard dollardır. Rusiyada 2023-cü ilə kimi o, ölkənin 57-ci milyarderi olub.
