“Azərbaycanda kazinoların fəaliyyəti qadağandır. Düşünürəm ki, kazinoların fəaliyyətinə icazə verilməsinə ehtiyac yoxdur”.
Bunu Qanunla.Az-a açıqlamasında deputat Fəzail Ağamalı həmkarı Qüdrət Həsənquliyevin Qarabağda, Zəngəzurda kazinoların açılması təklifinə münasibət bildirərkən deyib.
Deputat bildirib ki, bu məsələnin reallaşmasına nikbin yanaşmır: “Əgər kazino açılırsa, tək işğaldan azad olunmuş ərazilərimizdə deyil, bütün Azərbaycan ərazisində buna icazə verilməlidir. İcazənin verilməsi üçün isə müvafiq qərarlar ləğv olunmalıdır. Bunu real hesab etmirəm”.
