Fevral ayının 3-də Mərkəzi Aran Regional Təhsil İdarəsinin və Mingəçevir Dövlət Universitetinin birgə təşkilatçılığı ilə “Konstitusiya və Suverenlik İli” çərçivəsində “Azərbaycan xalqının birliyinin, həmrəyliyinin və gücünün ifadəsi: Konstitusiya və Suverenlik İli” mövzusunda elmi konfrans keçirilib.
“Qanunla.Az” xəbər verir ki, konfrans Ulu Öndər Heydər Əliyevin və Azərbaycanın suverenliyi uğrunda canından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb və Azərbaycan Respublikasının dövlət himni səsləndirilib. Tədbirin açılışında Mərkəzi Aran Regional Təhsil İdarəsinin müdiri vəzifəsini icra edən, müdir müavini Cavad Cavadov və Mingəçevir Dövlət Universitetinin rektor vəzifəsini müvəqqəti icra edən Üzeyir Zeynalov çıxış edib. Cavad Cavadov və Üzeyir Zeynalov öz çıxışlarında hər iki qurum arasındakı əməkdaşlığın əhəmiyyətini qeyd edib. Daha sonra konfransda maraqlı məruzələr təqdim olunub. Konfransın elmi hissəsinin başa çatmasından sonra Mingəçevir Dövlət Universiteti və Mərkəzi Aran Regional Təhsil İdarəsi arasında qarşılıqlı əməkdaşlığın gücləndirilməsi məqsədilə 2025-ci il üçün Fəaliyyət Planı imzalanıb. Daha sonra tədbir bədii hissə ilə davam edib.
