Kürdəmir rayonunda bir nəfərin ağır xəsarət alması ilə nəticələnən avtomobil qəzası baş verib.
Qanunla.Az-ın bölgə müxbirinin xəbərinə görə, hadisə Kürdəmir rayon Asan Xidmətin qarşısında qeydə alınıb.
Məlumata görə yüksək sürətlə hərəkət edən “Mercedes” markalı minik avtomobili “VAZ 2107” markalı minik avtomobili ilə toqquşub.
Hadisə zamanı “VAZ 2107” markalı avtomobilin sürücüsü ağır bədən xəsarətləri ilə Kürdəmir rayon Mərkəzi Xəstəxanasına yerləşdirilib.
Faktla bağlı Kürdəmir rayon Polis Şöbəsi tərəfindən araşdırma aparılır.
