Lənkəranda iki mərtəbəli ev yanıb.
Qanunla.Az Report-a istinadən xəbər verir ki, hadisə rayonun Girdəni kəndində baş verib.
Belə ki, kənd sakini 1968-ci il təvəllüdlü Fikrət Əzizəli oğlu Hadıyevə məxsus yaşayış evi yanıb. Hadisə yerinə iki yanğınsöndürən maşın cəlb olunub, yanğın söndürülüb. Ümumi sahəsi 140 kvadratmetr olan iki mərtəbəli evin dam örtüyü və ikinci mərtəbənin bir hissəsi yanıb. Qalan hissələr yanğından mühafizə olunub.
İlkin məlumata görə, ev sahibi həbsdə olduğundan mənzil kirayəyə verilib. Yanğın zamanı evdə kimsə olmayıb. Yanğının qısa qapanmadan baş verdiyi ehtimalı var. Yanğının əsas səbəbi ekspertizadan sonra məlum olacaq.
Faktla bağlı araşdırma aparılır.
