Mərkəzi Bankın avqust ayının əvvəlinə olan rəsmi valyuta ehtiyatlarının həcmi 6 496 500 000 ABŞ dolları olub.
Qanunla.Az-ın Mərkəzi Bankdan əldə etdiyi məlumata əsasən, AMB-nin rəsmi valyuta ehtiyatlarının həcmi aylıq müqayisədə 0,6 faiz, ötən ilin eyni dövrü ilə (illik) müqayisədə isə 0,4 faiz artıb.
İlin əvvəlinə bankın rəsmi valyuta ehtiyatlarının həcmi 6 369 400 000 ABŞ dolları olub. Bu dövrə nəzərən valyuta ehtiyatlarının həcmi 2 faiz çoxdur.
Qeyd edək ki, Mərkəzi Bankın rəsmi valyuta ehtiyatlarının həcmi ötən ayın əvvəlinə 6 455 300 000 ABŞ dolları, 2020-ci ilin eyni dövründə isə 6 468 700 000 ABŞ dolları olub.
