image-qanunla-reklam
image-015-leonid-kucma

MİLLİ KONSTİTUSİYAMIZ İFTİXARIMIZDIR

image-lady-day-az

Bizim ölkənin vətəndaşlarının öz müstəqil ölkələri üçün fəxr etməyə hər cür əsası vardır. Xüsusilə son illər həyatımıza parlaq qələbələr illəri kimi daxil olmuşdur. Uğurlu qələbələrlə zəngin olmuş son illər ölkəmizə misli görünməmiş yeniliklər bəxş etdi, yaddaşımızda dərin izlər buraxdı.
Konstitusiya müddəalarının həyta keçirilməsinin əsas qarantı kimi, hörmətli Prezidentimiz cənab İlham Əliyev rəhbərliyə gəlməsinin ilk günlərindən respublikamızın həyatında sağlam mühit, saf münasibətlər rişə salıb, hərtərəfli dinamik inkişaf, dövlət quruculuğu uğurla davam etdirilir, dövlətçilik ənənələri mütəmadi olaraq zənginləşdirilir və qorunur. Məhz onun çoxcəhətli ictimai-siyasi və diplomatik fəaliyyəti nəticəsində artıq Azərbaycan bütün planetdə tanınmışdır. 44 günluk Vətən müharibəsindəki Qələbəmiz sayəsində Vətənimiz yenə də bütün dünyaya səs saldı, beynəlxalq aləmdə öz imicini daha da möhkəmləndirdi. Prezident öz fəaliyyətində respublikamızın bütün regionlarının inkişaf etdirilməsində, bütün insanların azadlıqlarının mühafizəsində, onların həyat səviyyəsinin yüksəldilməsində özünün qarant rolunu uğurla həyata keçirir.

Konstitusiyanın möhtəşəm müddəalarında dövrün ictimai-siyasi vəziyyəti, müstəqil dövlət quruculuğunun ideoloji aspektləri parlaq əksini tapmışdır. Onun qəbul edilməsindən sonrakı dövrdə dövlət quruculuğunun digər mühüm sahələri ilə bərabər milli-siyasi ideologiyamız formalaşdı ki, bu da Azərbaycan vətəndaşlarının vahid amal ətrafında birləşməsini xeyli sürətləndirdi.
Bunlara olduqca sevinirik və inanırıq ki, gələcək illərdə uğurlarımız daha çox olacaqdır, vətəndaşlarımız öz həyatlarını daha firavan etməkdən ötrü yeni əmək göstəriciləri ilə xarüqələr yaradacaqlar.
Biz, Əsas Qanunumuz qəbul olunduqdan sonra işlərimizi yenidən təşkil edərkən onun müddəalardan xeyli bəhrələndik, nəticədə partiyamız qısa müddət ərzində insanların ictimai-siyasi şüurunun müasir tələblərə uyğun yeniləşməsində avanqard qüvvə kimi inkişaf etdi, mütəşəkkil siyasi qüvvəyə çevrildi. Biz, ulu öndərimizin hər şeyə qadir siyasətini yeni bir qüvvə ilə davam etdirdik, dövlətimizin siyasi əsaslarının daha da möhkəmləndirilməsi, vətəndaşların təfəkkürünün inkişaf etdirilməsi, siyasi-mənəvi tərbiyə sahəsində irəliyə doğru ciddi addımlar atdıq və siyasi avanqard kimi bu tədbirlərimizi ardıcıl olaraq davam etdiririk.
Bu gün müstəqil ölkəmizin vətəndaşları böyük və tükənməz arzularla, yüksək bəşəri ideallarla yaşayırlar. Milli Konstitusiyamız bu idealların qarantıdır, güclü qanunlar dövlət müstəqilliyimizin, dövlətçiliyimizin əsas dayaqlarıdır və hamının bununla fəxr etməyə haqqı vardır.
Xudayar Soltanlı


  • whatsapp
  • messenger
  • telegram
  • vkontakte
  • odnoklassniki