Futbol üzrə Azərbaycan Premyer Liqasında II tura yekun vurulub.
“Qanunla.az” xəbər verir ki, turun sonuncu oyununda “Neftçi” “Kəpəz”i qəbul edib.
“Bakcell Arena”dakı qarşılaşma paytaxt təmsilçisinin 5:2 hesablı qələbəsi ilə yekunlaşıb.
Meydan sahiblərinin qollarını 11-ci dəqiqədə Solomon Kvirkveliya, 12-ci dəqiqədə Qodsvey Donyo, 15-ci dəqiqədə Kenni Sayef, 51-ci dəqiqədə Eddi İsrafilov, 89-cu dəqiqədə Yeqor Boqomolski vurub.
Gəncə klubunun qollarına 57-ci dəqiqədə Abdullahi Şuaybu və 90+3-cü dəqiqədə Nicat Süleymanov imza atıb.
Ardıcıl ikinci qələbəsini qazanan “Neftçi” xallarının sayını 6-ya çatdırıb. Hər iki matçda uduzan “Kəpəz” isə xalsız qalıb.
Qeyd edək ki, günün digər görüşündə “Qəbələ” “Şamaxı”nı 3:1 hesabı ilə üstələyib. Turun əvvəlki oyunlarında “Sabah” səfərdə “Zirə”ni 3:1, “Qarabağ” “Sumqayıt”ı 2:0, “Turan Tovuz” isə “Səbail”i 1:0 hesabı ilə məğlub edib.
