Kababın həddindən artıq istehlakı sağlamlığa zərər vura bilər.
Bu barədə onkoloq Marina Şorina xəbərdarlıq edib.
Həkimin fikrincə, qızardılmış ət maddələr mübadiləsini pisləşdirə bilər, lakin əsas təhlükə hazırlanma üsulundadır. Belə ki, ət odda qızardıldığında xərçəngə səbəb ola biləcək kanserogenlər ayrılır.
“Əgər insan davamlı olaraq bu cür məhsullardan istifadə edirsə, qrildə, manqalda davamlı olaraq nəsə bişirirsə, o zaman bədənin öhdəsindən gəlməyə vaxtı olmur və xərçəng yarana bilər” deyən onkoloqun sözlərinə görə, kanserogenlər DNT-nin strukturunu dəyişir və bu, onların mutasiyaya uğrayaraq, bədxassəli şişə çevrilə bilən nəzarətsiz bölünmə prosesinə gətirib çıxarır. (Publika.az)
