Xəbər verdiyimiz kimi, bu gün Belarusun Müstəqillik Günü ilə bağlı keçirilən paradda Azərbaycan əsgərləri də keçid edib.
Qanunla.Az xəbər verir ki, hərbi birliyimizin keçidinə kapitan Məhəmməd Elman oğlu Saqizadə rəhbərlik edib.
Aparıcı məlumat verib ki, Belarusun faşizm işğalından azad edilməsində 10 min azərbaycanlı iştirak edib. Parad həmçinin Belarusun faşizm işğalından azad edilməsinin 80 illiyinə həsr edilib.
Qeyd edək ki, Azərbaycan müdafiə naziri general-polkovnik Zakir Həsənov da paradı qəbul edənlər arasındadır.
Xatırladaq ki, Sovet ordusunun 1944-cü il 23 iyunda başlayan və 29 avqustda başa çatan məşhur “Baqration əməliyyatı” nəticəsində Belarus, Litva və şərqi Polşa Hitler Almaniyasının işğalından azad edilib.
