“2021-ci ildə KOB-lara dəstək və xidmətlər sahəsində qabaqcıl təcrübənin öyrənilməsi, yerli KOB-ların əlaqələrinin genişləndirilməsi və birgə layihələrin icrası, potensial xarici tərəfdaşların tapılması, əməkdaşlıqda maraqlı olan investorlarla yerli sahibkarlar arasında vasitəçilik etmək məqsədilə müxtəlif tərəfdaş qurumlarla 12 anlaşma memorandumu imzalanıb”.
Bu sözləri KOBİA 2021-ci il Hesabatına həsr olunmuş tədbirdə KOBİA-nın İdarə Heyətinin sədri Orxan Məmmədov deyib.
O bildirib ki, doqquz ölkəyə işgüzar səfərlər təşkil olunub:
“Agentliyin təşkilatçılığı ilə Bakıda iki beynəlxalq tədbir (Azərbaycan İnvestisiya və Mədəniyyət Sammiti, 25-ci Beynəlxalq Biznes Forum (İBF)) keçirilib”.
