Kremlin sözçüsü Dmitri Peskov ABŞ Prezidenti Donald Trampın may ayında Səudiyyə Ərəbistanına planlaşdırılan səfərinin Rusiya Prezidenti Vladimir Putinlə heç bir əlaqəsinin olmadığını bəyan edib.
Qanunla.az xəbər verir ki, o, bu mövzuda yayılan fərziyyələri şərh edərək, hazırda iki liderin mümkün görüşü ilə bağlı konkret məlumatın olmadığını bildirib.
“Hələlik görüşün tarixi və yeri barədə dəqiq məlumat yoxdur. Ümumiyyətlə, Vaşinqtonla təmaslar davam edir,” – deyə Peskov vurğulayıb.
Qeyd edək ki, Trampın Yaxın Şərqə mümkün səfəri artıq beynəlxalq medianın diqqət mərkəzindədir. Ekspertlər bu səfərin ABŞ-ın regional siyasətində hansı dəyişikliklərə səbəb ola biləcəyini müzakirə edirlər.
