Rusiya prezidenti Vladimir Putin Dövlət Dumasının deputatı Aleksandr Xinşteyni Kursk vilayətinin müvəqqəti qubernatoru təyin edib.
Qanunla.az TASS-a istinadən xəbər verir ki, bu barədə Putin fərman imzalayıb.
“Kursk vilayətinin qubernatoru seçilən şəxs vəzifəyə başlayana qədər Aleksandr Yevseyeviç Xinşteyn Kursk vilayətinin müvəqqəti qubernatoru vəzifəsinə təyin edilsin”, – Kremlin saytında dərc olunan sənəddə deyilir.
Sərəncamda qeyd olunur ki, indiyədək vilayətin qubernatoru vəzifəsini tutan Aleksey Smirnov səlahiyyətlərinə vaxtından əvvəl xitam verilməsi üçün ərizə verib. Putin onun istefasını öz istəyi ilə qəbul edib.
