Rusiya xüsusi xidmət orqanları Rusiya Silahlı Qüvvələrinin Radiasiya, Kimyəvi və Bioloji Müdafiə Qoşunlarının (RCBZ) rəisi general-leytenant İqor Kirillov və jurnalist Daria Duqinanın qətlini qaçırıblar.
Qanunla.az xəbər verir ki, bunu Rusiya Prezidenti Vladimir Putin ilin yekunları ilə bağlı mətbuat konfransında bildirib.
“Təəssüf ki, bu sui-qəsd cəhdi təkcə hərbi qulluqçulara şamil edilmir. O cümlədən, jurnalistlərə və ictimai xadimlərə sui-qəsd cəhdi baş verib. Yalnız Duqinanın qətlini xatırlamaq kifayətdir”, – Putin bildirib.
Rusiya liderinin fikrincə, bunlar indiki Kiyev rejiminin terror xarakterini göstərən əlamətlərdir. O, əlavə edib ki, Rusiya hüquq-mühafizə orqanları və kəşfiyyat xidmətləri “bu zərbələri qaçırıb”.
