Ötən il dekabrın 29-da Cənubi Koreyada qəzaya uğrayan “Jeju Air” təyyarəsinin “qara qutu”ları təyyarə Muan hava limanında beton qurğuya çırpılmazdan təxminən dörd dəqiqə əvvəl qeydiyyatı dayandırıb.
Qanunla.az xəbər verir ki, bu barədə CNN məlumat yayıb
Müstəntiqlər bildiriblər ki, sərnişin təyyarəsinin registratorları təyyarə qəza enişi etməzdən bir neçə dəqiqə əvvəl işini dayandırıb.
Demək olar ki, otuz il ərzində ölkənin ən ölümcül aviasiya qəzasını araşdıran rəsmilər, məlumatların toplandığı “qara qutu”larla Banqkokdan gələn Jeju Air 7C 2216 reysinin partlamasınınn səbəbini işıqlandıracağına ümid edirdilər. Lakin Cənubi Koreyanın nəqliyyat nazirliyi bildirib ki, Boeing 737-800 təyyarəsinin həm kokpit səs yazıcısı (CVR), həm də uçuş məlumatlarının yazıcısı (FDR) qəzadan təxminən dörd dəqiqə əvvəl işləməyi dayandırıb.
Nazirlik açıqlamasında cihazların niyə qeydi dayandırdığının aydın olmadığını bildirib və bunun səbəbini müəyyən etmək üçün çalışacağını bildirib.
Qeyd edək ki, fəlakət nəticəsində 179 sərnişin və ekipaj üzvü həlak olub, iki nəfər isə sağ qalıb.
