“Qəhrəman və peşəkar Azərbaycan Ordusunun mənəvi üstünlüyü danılmaz faktdır”
25 iyun 2021-ci il tarixində Ağdaş Regional Mədəniyyət İdarəsinin tabeliyində fəaliyyət göstərən Zərdab rayon Heydər Əliyev Mərkəzinin təşkilatçılığı ilə Azərbaycan Silahlı Qüvvələrinin yaradılmasının 103 illiyi və 26 iyun – Azərbaycan Respublikasının Silahlı Qüvvələr Günü münasibətilə “Qəhrəman və peşəkar Azərbaycan Ordusunun mənəvi üstünlüyü danılmaz faktdır” mövzusunda tədbir keçirilib.
Zərdab rayon Heydər Əliyev Mərkəzində keçirilən tədbirdə ikinci Qarabağ Müharibəsinin iştirakçılkarı Zərdab rayon Əlvənd kənd tam orta məktəbin direktoru, eyni zamanda Azərbaycan Respublikası Silahlı Qüvvələrinin ehtiyatda olan zabiti, baş leytenant, Azərbaycan Respublikasının Prezidenti cənab İlham Əliyevin 24.06.2021-ci il tarixli Sərəncamı ilə “Suqovuşanın azad olunmasına görə” medalı ilə təltif edilən Elvin Məzahir oğlu Xəlilov, Zərdab RTŞ-nin metodisti, eyni zamanda Azərbaycan Respublikası Silahlı Qüvvələrinin ehtiyatda olan zabiti, baş leytenant, Azərbaycan Respublikasının Prezidenti cənab İlham Əliyevin 24.06.2021-ci il tarixli Sərəncamı ilə “Xocavəndin azad olunmasına görə” medalı ilə təltif edilən Şövqi Rafiq oğlu Səfərəliyev, Mustafazadə Ülvü Mahmud oğlu, Qazilərimiz Hacı Nəğmər oğlu, Təbriz Əlizadə, Roman Mirzəliyev, Zərdab rayon Uşaq və Ailələrə Dəstək Mərkəzinin direktor və əməkdaşları, Dini Qurumlarla iş üzrə Dövlət Komitəsinin Ucar bölgəsinin əməkdaşı Sədi Hüseynov, Gənc, fəal müəllimə Jalə Kərimli, rayon 1, 2, 3 saylı, Əlvənd kənd tam orta məktəblərinin müəllim və şagirdləri, valideynlər və digər qonaqlar iştirak etdilər.
Tədbirə Azərbaycan Respublikasının Dövlət himninin səsləndirilməsi ilə başlanılıb.
Tədbiri giriş sözü ilə açan Zərdab rayon Heydər Əliyev Mərkəzinin direktoru Könül Rəhimova Azərbaycan Silahlı Qüvvələrinin yaradılmasının 103 illiyi və 26 iyun – Silahlı Qüvvələr Günü münasibətilə tədbir iştirakçılarını təbrik edib. O, ulu öndər Heydər Əliyevin 1998-ci il mayın 22-də imzaladığı Fərmanla 26 iyun tarixinin Silahlı Qüvvələr Günü elan edildiyini vurğulayaraq Azərbaycanda güclü, qüdrətli və yüksək döyüş hazırlığına malik ordu yaradılmasının Ümummilli Liderin adı ilə bağlı olduğunu bildirib.
Könül Rəhimova “Ulu Öndər Heydər Əliyevin təməlini qoyduğu ordu quruculuğu” mövzusunda məruzə ilə çıxış edərək müstəqillik dövründə Azərbaycan Silahlı Qüvvələrinin yaradılması və formalaşdırılmasında ulu öndər Heydər Əliyevin misilsiz xidmətlərindən danışıb.
Zərdab rayon Əlvənd kənd tam orta məktəbin direktoru, eyni zamanda Azərbaycan Respublikası Silahlı Qüvvələrinin ehtiyatda olan zabiti, baş leytenant, Azərbaycan Respublikasının Prezidenti cənab İlham Əliyevin 24.06.2021-ci il tarixli Sərəncamı ilə “Suqovuşanın azad olunmasına görə” medalı ilə təltif edilən Elvin Məzahir oğlu Xəlilov çıxışında qeyd edib ki, Müzəffər Ali Baş Komandanın müdrik rəhbərliyi altında şanlı ordumuz 44 gün davam edən Vətən müharibəsində torpaqlarımızı işğaldan azad edərək Ermənistan ordusunun “məğlubedilməzliyi” haqqında mifi darmadağın etdi. Natiq deyib ki: Prezident, Müzəffər Ali Baş Komandan cənab İlham Əliyevin rəhbərliyi ilə Silahlı Qüvvələrin modernləşdirilməsi, maddi-texniki bazasının ən müasir standartlar səviyyəsinə çatdırılması sahəsində çox mühüm işlər görülüb və görülür. 44 günlük Vətən Müharibəsində əldə olunan şanlı qələbə bunu bir daha sübut edir.
Daha sonra tədbirdə Dini Qurumlarla iş üzrə Dövlət Komitəsinin Ucar bölgəsinin əməkdaşı Sədi Hüseynov çıxış edərək deyib: “Ulu öndərimiz Heydər Əliyevin böyük səylə qurduğu dövlətimiz bu gün güclü orduya malikdir. Bu, ötən il Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi ilə 44 gün davam edən İkinci Qarabağ müharibəsində bir daha sübut olundu. Zəfərlə sona çatan müharibədə Zərdablı igidlər də qəhrəmanlıq dastanı yazdılar. 30 ilə yaxın davam edən işğala və haqsızlığa son qoyuldu, tarixi ədalət bərpa edildi.
Tədbirdə Zərdab rayon Heydər Əliyev Mərkəzinin 26 iyun Azərbaycan Respublikasının Silahlı Qüvvələr Günü münasibətilə elan etdiyi “QALİB ÖLKƏNİN QALİB ƏSGƏRLƏRİ” adlı rəsm müsabiqəsinin qalibləri mükafatlandırıldı.
Tədbirdə məktəblilər vətənpərvərlik, qəhrəmanlıq məzmunlu şerlər söylədilər.