image-970_50
image-img_20211014_123403

Qəhrəmanımızın atası oğlunun şəhid olduğu yerdə – Video

image-728_90

Milli Qəhrəman Şükür Həmidovun atası Nəriman Həmidovun arzusu həyata keçib.

Qanunla.Az xəbər verir ki, ona oğlunun şəhid olduğu yeri öpmək nəsib olub. Həmin kadrları “Təsir dairəsi” verilişi Qubadlıda lentə alıb.

Arzusuna çatan ata göz yaşlarına hakim ola bilməyib.

Qeyd edək ki, Ş.Həmidov 1975-ci ildə Qubadlı rayonunda anadan olub. 2016-cı ildə Aprel döyüşlərinin iştirakçısı olub və Lələtəpə yüksəkliyinin azad edilməsində şücaət göstərib. Azərbaycan Prezidentinin Sərəncamı ilə “Azərbaycanın Milli Qəhrəmanı” adına layiq görülüb.

Ona eyni zamanda müdafiə nazirinin əmri ilə vaxtından əvvəl polkovnik hərbi rütbəsi təqdim olunub. Vətən müharibəsində iştirakına görə “Vətən uğrunda” medalı və “Zəfər” ordeni ilə təltif olunub.

Ş.Həmidov doğma yurdu Qubadlı uğrunda gedən döyüşlərdə şəhid olub. Milli Qəhrəman II Fəxri Xiyabanda dəfn olunub. Ailəli idi, iki övladı yadigar qalıb.

image-728_90

  • whatsapp
  • messenger
  • telegram
  • vkontakte
  • odnoklassniki