QƏRB BÖLGƏSİNDƏ QƏDİM VƏ MİLLİ MUSİQİ ALƏTLƏRİNDƏN İBARƏT YENİ FOLKLOR ANSAMBLI YARADILIB
Ağstafa Regional Mədəniyyət İdarəsinin nəzdində folklor ansamblı yaradılıb. İdarənin tabeçiliyində fəaliyyət göstərən mədəniyyət müəssisələrinin əməkdaşlarından ibarət ansamblda qədim və milli alətlərin ifasında xalq mahnılarının səsləndirilməsi planlaşdırılır. Bu günlərdə çox qızğın məşqlər gedir, musiqi nömrələrinin seçilməsi, zövqlə işlənməsi istiqamətində böyük əmək sərf edilir. Regional mədəniyyətin inkişafında və yeni istedadların üzə çıxarılmasında ansamblın əsaslı rol oynayacağı güman edilir.
Məlumat üçün qeyd edək ki, ansamblın adı “Aveydağ” olaraq nəzərdə tutulub.
Xəyal Nağıyev
Ağstafa Regional Mədəniyyət İdarəsinin mətbuat katibi
