Müsəlman ölkəsi Azərbaycanda da belə bir iş təşkil etmək mümkündür…
Mədəni inteqrasiyanın möhtəşəm bir nümunəsi olaraq İrlandiya ardıcıl ikinci il müsəlmanların Qurban bayramı üçün ölkənin ən böyük stadionunu ayırıb.
“Gel idmanı dərnəyi və “Krouk Park” komandasının Qurban Bayramını qeyd etmək üçün bir daha bir icma olaraq bizlərə stadionda toplaşma fürsəti təqdim etməsindən məmnunam” -deyə İrlandiya Müsəlmanları Barış və İnteqrasiya Şurasının sədri Şeyx Ömər Əl-Qadri bildirib.
Qanunla.Az-ın xarici İslam saytlarına istinadla verdiyi xəbərdə deyilir ki, Gel idman dərnəyi (“GAA”) qərargahı müsəlman bayramı şərəfinə 20 iyul çərşənbə axşamı “Krouk Park” stadionunda namaz qılınacağını açıqlayıb. Stadion İrlandiyanın ən böyük idman və mədəniyyət təşkilatı olan “GAA”-ya məxsusdur.
“Dərnək qərargahı ötənilki tədbirin müvəffəqiyyətindən sonra “Covid”lə bağlı dini mərasimlərdəki məhdudiyyətlərə əməl edilməsilə bir daha müsəlman icmasının üzvlərini Qurban bayramında salamlayacaq”- deyə “GAA” prezidenti Larri Makkarti bəyan edib.
