image-970_50
image-1639491939_f161

Rumıniya 35 ildən artıq istifadədə olan F-16 qırıcıları almaq niyyətindədir

image-suni_mayalanma_qiymeti
Rumıniya parlamenti Milli Müdafiə Nazirliyinin Norveçdən təxminən yarım milyard avro dəyərində 32 döyüş təyyarəsi almasına dair sazişi təsdiq etməli olacaq. Rumıniya NATO müttəfiqindən 35 ildən artıq istifadə edilmiş F-16 qırıcıları almaq niyyətindədir.
Qanunla.Az xəbər verir ki, bu barədə Rumıniyanın Digi24 nəşri məlumat yayıb.
Bundan əvvəl Buxarest Şimali Atlantika Alyansının üzvü olan digər Avropa ölkələri ilə F-16-ların alınması ilə bağlı danışıqlar aparırdı. Nəticədə Norveç Hərbi Hava Qüvvələrinin təyyarələri seçilib. Bu, rumıniyalı hərbi ekspertlər arasında çaşqınlıq yaradıb və onlar qeyd ediblər ki, bəzilərinin yaşı 40 ildən çox olan və sərt Norveç iqlimində istismar olunan təyyarələr üçün bu, çox bahadır.
Rumıniyanın ödəyəcəyi 454 milyon avrodan 354 milyonu qırıcılar üçün Norveçə, qalan 100 milyonu isə logistik dəstək paketi və modernləşdirmə xidmətləri üçün ABŞ-a ödəniləcək.
Norveç köhnə F-16-ları ən yeni F-35-lərlə dəyişdirdiyi üçün köhnə qırıcı təyyarələrini satışa çıxarıb. Bu yaxınlarda Amerikanın “Draken” şirkəti 12 belə qırıcını təhvil alıb, Rumıniya isə qalanlarını almaq niyyətindədir.
Hazırda Rumıniya Hərbi Hava Qüvvələrində 2016-2021-ci illər arasında Portuqaliyadan alınmış 17 ədəd istifadə olunmuş F-16 A/B təyyarəsi var.
Rumıniya Müdafiə Nazirliyinin əsaslandırdığı kimi, 40 illik xidmət müddətinə baxmayaraq, Norveç qırıcıları “qabaqcıl” M6.5.2 konfiqurasiyasında MLU standartına qədər təkmilləşdirilib. Bu, müasir Lazer-JDAM ağıllı bombalarının və AMRAAM-120D uzun mənzilli hava-hava raketlərinin buraxılmasına imkan verir.
Bundan əvvəl Norveç F-16 təyyarələrinin F-35 ilə əvəzləndikdən sonra, əvvəlkilərin Şimali Atlantika Alyansındakı müttəfiqlər tərəfindən istifadə olunmasını  arzu olaraq ifadə etmişdi.
“F-16, F-35 ilə əvəz olunana qədər 40 ildən çox müddətdə Norveç ordusuna çox yaxşı xidmət etdi”- deyə Norveçin müdafiə naziri Odd-Rocer Enoksen bu mövzunu şərh edərkən bildirib.
image-rek-qanunla-az

  • whatsapp
  • messenger
  • telegram
  • vkontakte
  • odnoklassniki