Rusiya Silahlı Qüvvələri Baş Qərargahının Baş Əməliyyat İdarəsinin rəis müavini, general-leytenant Yaroslav Moskalikin qətlində şübhəli bilinən şəxs Türkiyədə saxlanılıb.
Qanunla.Az xəbər verir ki, bu barədə TASS-a məlumatlı mənbələr bildiriblər.
“O, Moskvadan qaçdıqdan sonra İstanbulda saxlanılıb”, – deyə mənbələr bildiriblər.
Qeyd edək ki, dünən Moskva vilayətinin Balaşixa şəhərində minik avtomobilinin partladılması nəticəsində Rusiya Silahlı Qüvvələri Baş Qərargahının Baş Əməliyyat İdarəsinin rəis müavini, general-leytenant Yaroslav Moskalik ölüb.
