Rusiya hərbçiləri Dnepr körfəzində və Nikolayev vilayətinin işğal altında qalan yeganə ərazisi olan Kinburn yarımadasında mövcudluğunu gücləndirir.
Qanunla.az xəbər verir ki, bu barədə Ukrayna Cənub Müdafiə Qüvvələrinin spikeri Vladislav Voloşin məlumat yayıb.
“Rus qoşunları artilleriya və hava hücumundan müdafiə bölmələrini Kinburnda cəmləşdirdi, həmçinin işğal olunmuş Sevastopoldan çay katerlərinin bir diviziyasını köçürüb.
Bu, kifayət qədər vacib bir körpüdür. Bundan əlavə, Kinburndan Xerson və Nikolayev bölgələrinin cənubunu atəşə tutmaq olar”, – V.Voloşin qeyd edib.
