Rusiyanın Çerkessk şəhərində yaşayış binasında qaz sızması səbəbindən partlayış baş verib.
Qanunla.Az xəbər verir ki, bu barədə Rusiya Fövqəladə Hallar Nazirliyindən məlumat verilib.
Məlumata görə, partlayış nəticəsində 1 nəfər ölüb, 9 nəfər isə müxtəlif dərəcəli bədən xəsarətləri alıb.
“Hadisə yerində 92 nəfər və 29 texnika işləyir. Binadan 52 nəfər təxliyə edilib və müvəqqəti yerləşdirmə məntəqəsinə yerləşdiriləcəklər”, – nazirlikdən bildirilib.
