Şamaxı rayon sakini tüfəngdən açılan atəş nəticəsində xəsarət alıb.
Qanunla.az-ın məlumatına görə dekabrın 5-də saat 22:00 radələrində Şamaxı rayonunun Pirqulu qəsəbəsi ərazisində bir nəfərin odlu silahdan açılan atəş nəticəsində xəsarət alması barədə Şamaxı Rayon Polis Şöbəsinə məlumat daxil olub. Polis əməkdaşları tərəfindən aparılan araşdırmalarla həmin vaxt ov edən rayon sakini Ramil Əhmədovun tüfəngdən açdığı atəşdən İlkin İlyasovun kürək nahiyəsindən xəsarət alması müəyyən olunub.
Ona xəstəxanada ilkin tibbi yardım göstərildikdən sonra buraxılıb.
DİN-in Mətbuat Xidmətinin Şəki regional qrupundan bildirilib ki, hadisəni törədən Ramil Əhmədov polis əməkdaşları tərəfindən saxlanılıb, ondan müvafiq sənədləri olan “Baykal” markalı ov tüfəngi götürülüb.
Faktla bağlı araşdırma aparılır.
