image-970_50
image-7462f8aa-6751-3069-8485-32a7a7f489e2_850

Sumqayıt-Bakı qatarında biznes-klas vaqonuna artıq bilet satılıb, sərnişinlər ayaq üstə qalıb

image-728_90

Sumqayıtdan Bakıya gələn elektrik qatarının fəaliyyətində növbəti problem yaranıb.

Biznes-klas vaqonu üçün sərnişinlərə ümumi tutumundan çox bilet satılıb. Nəticədə 15-dək sərnişin ayaq üstə qalıb.

Qatar bələdçiləri bunu xəttə yenicə qoşulan Bakı – Gəncə qatarının biznes-klas vaqonundakı sərnişin yerlərinin Sumqayıt – Bakı qatarındakı sərnişin yerlərindən çox olması ilə əlaqələndiriblər. Belə aydın olub ki, məsul şəxslər bu məqamlı nəzərə almadan biznes-klasdakı ümumi sərnişin sayını Bakı – Gəncə qatarındakı qədər götürüblər və daha artıq bilet satıblar.

Bələdçilər artıq məsələdən rəhbərliyin də məlumatlı olduğunu əlavə ediblər. Onlar problemin həll yolu kimi sərnişinlərə qaynar xəttə zəng etməyi məsləhət görüblər. Lakin biznes-klas çekləri sərnişinlərə qaytarılmayıb.

Qeyd edək ki, Sumqayıt – Bakı qatarında biznes-klas vaqonunda gediş haqqı 2 manat, adi vaqonda gediş haqqı isə 1 manatdır.

image-728_90

  • whatsapp
  • messenger
  • telegram
  • vkontakte
  • odnoklassniki