TARİXİN SINAĞINDAN UĞURLA ÇIXMIŞ MÜSTƏQİLLİK!
Tarix millətləri yoxsa millətlər tarixi formalaşdırar?! Bəzi millətlər tarixin böyük sınaqları ilə formalaşıb, lakin Azərbaycan milləti tarixi dövrlər ərzində tarix formalaşdırıb,tarix yazıb. Xalqımızın çoxəsirlik mübarizə tarixinin ən şərəfli və müstəsna səhifələrinin yazıldığı XX əsr acıların ,sınaqların və müstəqilliyin carçısı olmuşdur.Taleyinə bir əsrdə iki dəfə müstəqillik qazanmaq nəsib olmuş Azərbaycan xalqı 1918-ci ilin 28 mayında öz müstəqilliyini elan etdi. Cəmi 23 ay yaşasada xalqımız azadlığın ən gözəl nemətlərini bu illərdə daddı.Siyasi vəziyyətin gərginləşdiyi həmin illərdə müsəqilliyimizi qoruyub saxlamaq mümkün olmadı. SSRİ-ın tərkibində yaşadığımız onilliklər millətimizin şüurundan azadlığın rəsmini silə bilməmişdi. Azərbaycan xalqı xarakteri olan müstəqilliyə yalnız 1991 ci ilin 18 oktyabrında qovuşdu. Ali Sovetin 18 oktyabrdakı qərarı ilə Azərbaycan Respublikası Azərbaycan Xalq Cümhuriyyətinin varisi olaraq Müstəqillik aktını qəbul etdi. Müstəqilliyimizi qazandığımız ilk illər dövlətimizin dayaqlarının ən zəif olduğu illər idi. Özbaşnalıqlar, siyasi boşluqlar, Qarabağda itirdiyimiz ərazilər, məcuburi köçkün problemləri müstəqilliyin dayaqlarını zəiflətsədə bu əzmi məhv edə bilmədi. “Müstəqilliyi qorumaq onu qazanmaqdan daha çətindir” deyən ümummilli lider Heydər Əliyevin 1993 ilin iyununda hakimiyyətə gəlməsi ilə Azərbaycanın müstəqilliyi daha fərqli bir yola qədəm qoydu. Hələ Naxçıvanda idarəçiliyə gəldiyi illərdə sabit dövlətçiyin tezizislərini hazırlayan H.Əliyev idarəçiliyə gəldiyi ilk illərdə dövlətin dayaqlarını möhkəmləndirmək üçün əməli tədbirlərə başladı. Dağılmış iqtisadiyyatı bərpa etmək, ordu quruculuğu həyata keçirmək, dövlətin nüfuzunu formalaşdırmaq qarşıda duran əsas məsələlər idi. Onun hakimiyyəti illərində müsəqilliyin əsası olan inkişaf və çiçəklənmə həyata keçirildi. İnkişafa baxmayaraq hələdə qanayan yara olan Qarabağ problemi dövlətçiliyimizə ciddi təsir edirdi. Nəhayət İlham Əliyevin rəhbərliyi ilə 2020 ci ildə güclü azərbaycan ordusu 44 günlük Vətən müharibəsi ilə itirilmiş torpaqlarımızı geri qaytardı. Böyük itkilərlə qazanlan vətən müharibəsi müstəqilliyimizin 30 illik tarixinə ən böyük tövhə idi. İndin xalqımız müstəqilliyin müstəqilliyin bərpası gününü ayrı sevinc və həyacan içərisində qarşılayır. Müstəqilliyimizin 30-cu ili indiyə qədərki ən gözəl azadlıq günü olacaq. Çünkü bu il Qarabağa qayıdışında ilk ilidir!
Mirzəyeva Bəyaz.
Saatlı rayon Kamallı kənd ümumi orta məktəbin tarix müəllimi
