image-970_50
image-c8f6c171-3369-42fb-b2f9-026a8ffcb9b7

“Tərtərdə məktəbə hücum olub” xəbərinə DİN-dən RƏSMİ REAKSİYA

image-suni_mayalanma_qiymeti

 

Bəzi KİV-lərdə Tərtər rayonunun Şıxarx qəsəbəsindəki məktəbə hücum edilməsiylə bağlı yayılan iddialar təsdiqini tapmayıb.

Daxili İşlər Nazirliyinin (DİN) Mətbuat Xidmətinin Bərdə regional qrupundan  bildirilib ki, Tərtər rayon Şıxarx qəsəbəsindəki 2 saylı tam orta məktəbə hücum edilməsi ilə bağlı yayılan məlumat Rayon Polis Şöbəsinin (RPŞ) əməkdaşları tərəfindən araşdırılıb:

“Məktəbə hər hansı hücum olması ilə bağlı iddialar təsdiqini tapmayıb.

Qeyd etmək istərdik ki, Vətən müharibəsi zamanı Silahlı Qüvvələrimizə qarşı cavab tədbirləri görə bilməyən erməni hərbi birləşmələri evlərə və digər mülki obyektlərə raket və artilleriya zərbələri endiriblər. Bu atəşlər nəticəsində evləri zərər görmüş Şıxarx qəsəbə sakinləri və bir neçə köçkün ailələri həmin məktəbdə müvəqqəti yerləşiblər.

Ötən müddət ərzində yaşayış yerləri tam hazır olmayan bir neçə ailə hal-hazırda orada yaşayır. Məktəbdə avadanlıqlara ziyan dəyməsi və dağınıqlığın yaranması isə nəzarətsizlik səbəbindən baş verib”.

Hazırda Tərtər RPŞ-də araşdırmalar davam etdirilir.

image-rek-qanunla-az

  • whatsapp
  • messenger
  • telegram
  • vkontakte
  • odnoklassniki